అందాల భామ రకుల్ త‌న‌దైన మాట తీరుతో ఇత‌రుల‌ను ఆక‌ట్టుకోవ‌డంలో దిట్ట.
సినిమా జ‌యాప‌జ‌యాల‌తో సంబంధం లేకుండా వ‌రుస ఛాన్స్‌లు కొట్టేస్తున్న సోయ‌గం.
ఇటీవల తెలుగు తమిళ రంగాల్లో బిజీబిజీగా గ‌డుపుతున్న ఈ బ్యూటీ మ‌హేశ్ సిన్మాపై ఓ కామెంట్ చేసింది.
అదేంటంటే..
ఈ ఏడాది భారీ అంచనాల మధ్య రిలీజైన చిత్రాల్లో స్పైడర్ కూడా ఒకటి. ఇటీవల రిలీజైన ఈ సినిమా ఆశించిన స్థాయిలో ఫలితాన్ని రాబట్టలేకపో యింది. దీంతో బాక్సాఫీస్ వద్ద తన మార్కు చూపించుకోలేకపోయింది. కొంత గ్యాప్ తర్వాత మళ్లీ ఈ సినిమాతోనే కోలీవుడ్ లోకి రీ ఎంట్రీ ఇచ్చింది హీరోయిన్ రకుల్ ప్రీత్ సింగ్. తాజాగా రకుల్ నటించిన ఖాకీ సినిమా విడుదలకి రెడీ అవుతున్న నేపథ్యంలో ఆ సినిమా ప్రమోషన్స్ లో పాల్గొన్న ఆమె స్పైడర్ సినిమా ఫెయిల్యూర్ పై స్పందించింది.నేను గతాన్ని తవ్వుకోదల్చుకోలేదు..కొన్ని సినిమాలు అనుకున్నట్టుగా విజయం సాధిస్తాయి. ఇంకొన్ని సినిమాలు అపజయం పాలవుతాయి. ఇందులో అనుకోవడానికి ఏమీ లేదని వ్యాఖ్యానించింది. కానీ ఏ సినిమా విష‌యంలోనైనా తాను వంద‌శాతం కృషి చేస్తాన‌ని చెప్పింది
