సినిమాల్లోనూ, రాజకీయాల్లోనూ వారసుల హడావుడి ఎక్కువగానే కనిపిస్తోంది. అసలు ముందు నుంచి ఈ ఆనవాయితీ సంప్రదాయం గానే వస్తోంది. ప్రస్తుతం తెలుగు ఫిలిం ఇండ్రస్ట్రీలో ఎక్కువ మంది సినీ యాక్టర్లున్న ఫ్యామిలీ మెగా ఫ్యామిలీదే. దాదాపు పది మంది వరకు ఉన్నారు. వీరి తర్వాత అక్కినేని, నందమూరి, దగ్గుబాటి కుటుంబాల్లో ఎక్కువమంది సినీ తారలు కనిపిస్తున్నారు. అయితే ముందు ముందు సూపర్ స్టార్ కృష్ణ ఫ్యామిలీ కూడా ఎక్కువమంది తారలతో కళకళలాడేలా కనిపిస్తోంది. ఆ ఫ్యామిలీ నుంచి కూడా చాలామంది సినీ ఇండస్ట్రీలో వెలిగిపోవాలనే ప్రయత్నాల్లో ఉన్నారు.
నరేష్ తనయుడు నవీన్ కృష్ణ ఓ సినిమాతో పలకరించాడు. ఇప్పుడతను హీరోగా రెండు సినిమాలు తెరకెక్కుతున్నాయి. మరోవైపు కృష్ణ కూతురు, మహేష్ అక్క మంజుల మళ్లీ సినిమాల్లోకి రీఎంట్రీ ఇవ్వబోతోంది. ఆమె దర్శకురాలిగా ఓ సినిమా చేస్తోంది.ఇందులో ఆమె కూతురు జాన్వి ఓ కీలక పాత్రలో నటిస్తోంది. ఇంతలోనే మహేష్ మేనల్లుడు ఎంపీ గల్లా జయదేవ్–పద్మావతిల కుమారుడు అశోక్ త్వరలోనే హీరోగా ఎంట్రీ ఇస్తాడని.. అతడిని దిల్ రాజు హీరోగా పరిచయం చేస్తున్నట్లు పుకార్లు వినిపిస్తున్నాయి.
అలాగే రమేష్ బాబు కొడుకు కూడా త్వరలోనే హీరో అవుతాడని అంటున్నారు. ఇప్పటికే బాలనటుడిగా నటించిన మహేష్ తనయుడు గౌతమ్ కృష్ణ కూడా కొంచెం పెద్దవాడయ్యాక హీరో కావడం గ్యారెంటీగానే కనిపిస్తోంది. మరోవైపు సుధీర్ బాబు కొడుకు చరిత్‌ను కూడా సినిమాల్లోకి తీసుకురావడం పక్కగానే కనిపిస్తోంది. మెగా స్టార్ ఫామిలీ కి ధీటుగా సూపర్ స్టార్ ఫ్యామిలీ తెలుగు తెరపై మెరవనున్నారు, సో రాబోయే నూతన నటులకు అల్ ది బెస్ట్ చెబుదామా !
