యంగ్ టైగర్ ఎన్.టి.ఆర్ బాబి కాంబినేష్న్ లో వచ్చిన జై లవ కుశ మరోసారి ఎన్.టి.ఆర్ స్టామినా ఏంటో చూపించింది. 150 కోట్ల గ్రాస్ కలక్షన్స్ తో దుమ్ముదులిపేసిన ఈ సినిమా ఆడియోలో తారక్ ఓ మాట చెప్పాడు. బాబి చెప్పిన ఈ కథ తనకు బాగా నచ్చిందని అయితే ఈ సినిమా చేయడానికి మరో ఇద్దరు ముఖ్య వ్యక్తులు కారణమని అన్నాడు.
ఆ ఇద్దరు వ్యక్తులు ఎవరా అని అప్పట్లో పెద్ద డిస్కషన్సే జరిగాయి. అయితే ఆ విషయం సక్సెస్ తర్వాత వెళ్లడిస్తామని చెప్పినా అది కుదరలేదు. ఇక ట్విట్టర్ లో ఈ విషయంపై ఆ సినిమాకు స్క్రీన్ ప్లే అందించిన కోనా వెంకట్ ను అడిగితే ఆ ఇద్దరు పేర్లు రివీల్ చేశారు. వారెవరో కాదు ఎస్.ఎస్.రాజమౌళి, కొరటాల శివ. ఎన్.టి.ఆర్ కు సన్నిహితులైన ఈ ఇద్దరితో ఈ సినిమా గురించి ప్రస్తావించాడట. ఇద్దరు కూడా పాజిటివ్ స్పందించి సినిమా చేయమని చెప్పారట.
మొత్తానికి ఎన్.టి.ఆర్ జై లవ కుశ చేయడానికి పరోక్షంగా రాజమౌళి, కొరటాల శివలు కూడా కారణమయ్యారు. ఇక ప్రస్తుతం ఎన్.టి.ఆర్ త్రివిక్రం తో సినిమా చేస్తున్నాడు.
