మిగిలిన సినిమా ఇండస్ట్రీలతో పోలిస్తే టాలీవుడ్‌లో యాంటీ క్లైమాక్స్‌లు పెద్దగా వర్కవుట్ కావు. మన సినిమాల్లో హీరో, హీరోయిన్లు చనిపోవడాన్ని ఆడియన్స్ జీర్ణించుకోలేరు. కథ ఎన్ని ట్విస్టులు తిరిగినా చివరకు హ్యాపీ ఎండింగ్ పడాల్సిందే. అలా కాకుండా యాంటీ క్లైమాక్స్‌తో తీసిన సినిమాలు బాక్సాఫీస్ వద్ద బోల్తా కొట్టాయి. ఇప్పుడు ఇదే విషయం దగ్గుబాటి రానాను టెన్షన్ పెడుతోంది.
అసలు విషయంలోకి వస్తే.. రానా తాజాగా నటించిన ‘నేనే రాజు నేనే మంత్రి’ సినిమాకు యాంటీ క్లైమాక్స్‌ను డిజైన్ చేశారట.పతాక సన్నివేశాల్లో రానా పాత్రను ఉరి తీస్తారని తెలుస్తోంది. అంతేకాదు సినిమాలో కాజల్ పాత్రను కూడా చంపేస్తారట. దీన్ని బట్టి సినిమాలో యాంటీ క్లైమాక్స్ పక్కా అని తెలుస్తోంది. మొదట నిర్మాత సురేష్ బాబు క్లైమాక్స్ సన్నివేశాలను మార్చమని దర్శకుడు తేజను కోరినట్లు తెలుస్తోంది.
కానీ ఈ కథకు క్లైమాక్స్ అలా ఉంటేనే న్యాయం జరుగుతుందని భావించిన తేజ.. సురేష్ బాబు చెప్పిన దానికి అంగీకరించలేదు.ఫైనల్‌గా సినిమా ఫస్ట్ కాపీ చూసిన చిత్రబృందం సంతృప్తి చెందినా.. యాంటీ క్లైమాక్స్‌ను ప్రేక్షకులు ఎలా రిసీవ్ చేసుకుంటారో అనే టెన్షన్ లో రానా ఉన్నట్లు తెలుస్తోంది.
