ఖైది నంబర్ 150తో రీ ఎంట్రీతో అదరగొట్టిన బిగ్ బాస్ అదేనండి మన మెగాస్టార్ చిరంజీవి ఇప్పుడు తన తర్వాత సినిమాకు సిద్ధమవుతున్నాడు. ఉయ్యాలవాడ నరసింహారెడ్డి బయోపిక్ కు రెడీ అవుతున్న చిరు ఆ సినిమా కోసం డిఫరెంట్ లుక్ ట్రై చేస్తున్నాడు. ఇక రీసెంట్ గా ముఖవచ్చస్సులో మార్పులు చూపిస్తున్న చిరు ఇప్పుడు ఏకాంగా ఓ స్టైలిష్ లుక్ లో కనిపిస్తున్నారు.
రీసెంట్ గా ఓ పబ్లిక్ మీట్ లో పాల్గొనేందుకు వచ్చిన చిరుని చూసి అందరు షాక్ అవుతున్నారు. మీసాలతో ఉన్న మెగా లుక్ చూస్తే మెగా అభిమానులు కూడా మీసం మెలేయడం ఖాయమని చెప్పొచ్చు. సురేందర్ రెడ్డి డైరెక్ట్ చేస్తున్న ఆ సినిమాకు టైటిల్ గా మహవీర అని పెట్టబోతున్నారట. తెలుగు తమిళ హింది భాషల్లో సినిమా తెరకెక్కే అవకాశాలున్నాయి.
మెగాస్టార్ లుక్ తో మరోసారి ఫ్యాన్స్ లో ఉత్సాహం ఉరకలు వేసింది. మెగాస్టార్ బర్త్ డే ఆగష్టు 22న ఈ సినిమా ముహుర్తం పెట్టబోతున్నారట. 150 ఏళ్ల క్రితం జరిగిన కథ కాబట్టి సినిమా భారీ బడ్జెట్ తో తెరకెక్కుతుందని అంటున్నారు.
