Good news for Nandamuri fans. According to the latest updates, NTR is attending Gautamiputra Satakarni audio launch event as chief guest. Finally, that day has come for which ntr fans are eagerly waiting from a long time.
నందమూరి ఫ్యామిలీలో నిజంగానే విభేదాలు ఉన్నాయో లేవో కచ్చితంగా తెలీదు కానీ.. బాబాయ్ బాలయ్య, అబ్బాయ్ తారక్‌ల మధ్య దూరం ఉన్న మాట మాత్రం వాస్తవం. పైగా.. పరోక్షంగా వీరు పేల్చుకున్న మాటల తూటాలు, ఈవెంట్లలో మాట్లాడకపోవడాలు, ఒకరి ఫంక్షన్‌కి మరొకరు పిలవకపోవడాలు.. వారి మధ్య గొడవలు ఉన్నాయన్న రూమర్లకు బలాన్నిచ్చాయి. రీసెంట్‌గా తలసాని శ్రీనివాస్ యాదవ్ కూతురి రిసెప్షన్‌కి హాజరైన వీరిద్దరూ.. అక్కడ కూడా పలకరించుకోలేదు. ఆ ఒక్క ఇన్సిడెంట్‌.. వీరి మధ్య విభేదాలున్నాయన్న విషయాన్ని నిజం చేసింది.
నిజానికి.. బాలయ్య, తారక్‌లు దూరంగా ఉండడం నందమూరి అభిమానులకు ఏమాత్రం ఇష్టం లేదు. అందుకే.. వాళ్లు దూరమైనప్పటి నుంచి మళ్ళీ ఎప్పుడెప్పుడు ఒక్కటవుతారా? వాళ్ళని ఒకేసారి ఒకే ఫ్రేమ్‌లో ఎప్పుడు చూస్తామా? అంటూ వెయ్యి కళ్లతో ఎదురుచూస్తున్నారు. ప్రస్తుత పరిస్థితుల్ని బట్టి చూస్తుంటే.. ఇప్పుడా శుభఘడియలు వచ్చేసినట్లు తెలుస్తోంది. అందుకు సంకేతాలు కూడా ఉన్నాయి. ఆమధ్య ‘శాతకర్ణి’ టీజర్ రిలీజైనప్పుడు.. దానిపై తారక్ ప్రశంసల వర్షం కురిపించినట్లు సన్నిహిత వర్గాల నుంచి వార్తలొచ్చాయి. అంతేకాదు.. బాబాయ్ మీద కూడా పాజిటివ్‌గా స్పందించాడని తెలిసింది. ఇప్పుడు తాజాగా ట్రైలర్ మీద తారక్ పొగడ్తల వర్షం కురిపించేశాడు. ఈసారి తానే స్వయంగా రంగంలోకి దిగి.. ట్విటర్ వేదికగా ట్రైలర్, తన బాబాయ్‌ని కొనియాడాడు. ట్రైలర్ అదిరిపోయిందని, గతంలో మునుపెన్నడూ లేని విధంగా బాబాయ్ అదరగొట్టాడంటూ ట్వీటాడు.
అలా తారక్ చేసిన ఆ ఒక్క ట్వీటే అతనికి బాలయ్యతో విభేదాలు లేవని స్పష్టం చేయడంతోపాటు ఆ ఇద్దరిని మరింత చేరువకి తెచ్చింది. తారక్ చేసిన ట్వీట్‌ విషయం విని బాలయ్య చాలా సంతోషం వ్యక్తం చేశారట. చాలాకాలం తర్వాత తన గురించి తారక్ మాట్లాడడంతో మురిసిపోయిన బాలయ్య.. అతనికి ఫోన్ చేసి కాసేపు సంభాషించారట. అంతేకాదు.. ఈ మూవీ ఆడియోకి రావాలని ఆహ్వానించారట. ఆ మాట విన్న మరుక్షణమే తాను ఫంక్షన్‌కి వస్తానని చెప్పాడట. మొత్తానికి.. బాబాయ్-అబ్బాయ్‌లని ఒకే ఫ్రేమ్‌పై చూడాలన్న నందమూరి ఫ్యాన్స్‌ల చిరకాల కల త్వరలోనే నెరవేరబోతోందన్నమాట.
