తెలుగులో ఉన్న విలక్షణ నటులలో శర్వానంద్ ఒకరు. హీరోగా సినిమా సినిమాకు తన రేంజ్ పెంచుకుంటూ వస్తున్న శర్వానంద్ పండుగ సీజన్ లో సూపర్ హిట్ కొట్టడం అలవాటుగా మారింది. ఈ దసరాకి ఓ పక్క ఎన్.టి.ఆర్ జై లవ కుశ, మరో పక్క మహేష్ స్పైడర్ వస్తున్నా మహానుభావుడు అంటూ వచ్చి హిట్ టాక్ సొంతం చేసుకున్నాడు శర్వానంద్.
ఇక ఈ సినిమా హిట్ అయినందుకు సంతోషంలో ఉన్న శర్వానంద్ ఈమధ్యనే వచ్చి సూపర్ హిట్ అయిన అర్జున్ రెడ్డి మిస్ అవడం గురించి నోరు విప్పాడు. సందీప్ వంగ డైరక్షన్ లో వచ్చిన ఆ సినిమా విజయ్ దేవరకొండ కెరియర్ లో బ్లాక్ బస్టర్ మూవీగా నిలిచింది. అర్జున్ రెడ్డి కథ ముందు శర్వానంద్ దగ్గరకు వచ్చిందట అయితే ఆ సినిమా నిర్మించడానికి అశ్వనిదత్, లగడపాటి శ్రీధర్ లను అడుగగా ఆ సినిమా వర్క్ అవుట్ అవదని చెప్పారట.
నిర్మాతలు వెనక్కి తగ్గడంతో తాను ఆ సినిమా మిస్ అయ్యానని చెప్పాడు శర్వానంద్. అయితే తిరిగి తిరిగి సందీప్ వంగ తన సినిమాను తానే నిర్మించుకున్నాడు. ఇక రిలీజ్ తర్వాత అర్జున్ రెడ్డి సంచలనాలు తెలిసిందే. అయితే ఓ సూపర్ హిట్ బోల్డ్ మూవీ మిస్ అయిన శర్వానంద్ చెప్పిన కారణాలు చూస్తుంటె హిట్ సినిమా అయినా నిర్మాతలు నమ్మలేదని తెలుస్తుంది. శర్వానంద్ బయట పెట్టిన ఈ నిజం ప్రస్తుతం ఇండస్ట్రీలో సంచలనం సృష్టిస్తుంది.
