ఏం పిల్లారా బాబు ఒక సినిమా చేసిందో లేదో అప్పుడే మా మనసంతా ఫిదా చేసేసింది. అంటూ కుర్రకారు కిరాక్ అయిపోతున్నారు ఈ మలయాళీ ముద్దుగుమ్మ సాయి పల్లవి గురించి. అభిమానులు గోల సరే అది ఎప్పుడూ ఉండేదే కదా అనుకుంటుంటే ఇప్పుడు ఓ కుర్ర హీరో కూడా ఆమె కావాలంటూ పట్టుబడుతున్నాడు.
అయితే పల్లవి మాత్రం ఆచితూచి సినిమాలను చేస్తోంది. ఇప్పటికే నానితో సినిమా చేస్తున్నారు సాయి పల్లవి. ఈ సినిమా చేస్తుండగానే ఆమెకు మరికొన్ని సినిమాల్లో అవకాశాలు వస్తున్నాయి. అయితే కథ నచ్చితేనే సాయిపల్లవి ఆ సినిమాల్లో నటించడానికి ఒప్పుకుంటోంది. కానీ కొంతమంది హీరోలు మాత్రం సాయిపల్లవితోనే సినిమా చేయడానికి ఎక్కువ ఇంట్రస్ట్ చూపిస్తున్నారు. అందులో శర్వానంద్ ఒకరు.
ఫిదా సినిమా తరువాత సాయిపల్లవికి బోలెడన్ని అవకాశాలు వచ్చి పడుతున్నాయి .మహానుభావుడు సినిమా తరువాత హను రాఘవపూడి దర్శకత్వంలో శర్వానంద్ ఒక సినిమా చేస్తున్నారు. ఈ సినిమా హీరోయిన్ గా ఎవరిని తీసుకోవాలన్న ఆలోచనలో దర్సకుడు ఉండగా శర్వానంద్ సాయిపల్లవి పేరును చెప్పారు. ఆమె అయితే ఈ సినిమాకు సరిగ్గా సరిపోతుంది. ఈ కథ ఆమెకు బాగా సూట్ అవుతుందని చెప్పాడు శర్వానంద్. దర్సకుడు సాయిపల్లవితో మాట్లాడగానే ఆమెకు కథ నచ్చడంతో త్వరలోనే ఈ సినిమా సెట్స్ పైకి వెళ్లనుంది.
