” వినయ విధేయ రామ ” ఆఫీషియల్ టీజర్..! భయపెట్టాలంటే 10 నిమిషాలు.. చంపాలంటే పావుగంట..

రంగస్థలం తర్వాత రాం చరణ్ బోయపాటి శ్రీను డైరక్షన్ లో చేస్తున్న సినిమా వినయ విధేయ రామ. డివివి ఎంటర్టైన్మెంట్స్ లో వస్తున్న ఈ సినిమాలో చరణ్ కు జోడీగా కియరా అద్వాని నటిస్తుంది. దీవాళి కానుకగా వచ్చిన ఫస్ట్ లుక్ ఫ్యాన్స్ ను అలరించగా కొద్ది నిమిషాల క్రితం వచ్చిన ఈ సినిమా టీజర్ మెగా ఫ్యాన్స్ ను విశేషం గా ఆకట్టుకుంటుంది.

ఊర మాస్ సినిమాలకు కేరాఫ్ అడ్రెస్ గా మారిన బోయపాటి చరణ్ తో అటు మాస్ అండ్ కమర్షియల్ ఎంటర్టైనర్ తో పాటుగా ఫ్యామిలీ ఎమోషన్స్ తో తీస్తున్న సినిమా వినయ విధేయ రామ. బోయపాటి సినిమాలో ఉండాల్సిన అన్ని కమర్షియల్ హంగులు ఈ సినిమాలో ఉన్నాయని తెలుస్తుంది. ఇక టీజర్ లో అన్నా వీడిని భయ పెట్టాలా.. చంపేయాలా అంటూ రాం చెప్పిన డైలాగ్ సూపర్.. ఇక చివర్లో రాం కొణిదెల అంటూ చెప్పే సీన్ అదిరిపోయింది.

సంక్రాంతికి రాబోతున్న ఈ సినిమా చరణ్ కెరియర్ లో సెన్సేషనల్ హిట్ కొట్టడం గ్యారెంటీ అని టీజర్ చూస్తేనే తెలుస్తుంది. టీజర్ లో ప్రశాంత్, ఆర్యన్ రాజేష్ తో పాటుగా విలన్ గా నటిస్తున్న వివేజ్ ఓబేరాయ్ కూడా కనిపించాడు.