అక్కినేని నాగార్జున నటించిన ‘సోగ్గాడే చిన్నినాయనా’ మూవీకి సీక్వెల్ గా ‘బంగార్రాజు’ అనే సినిమా రాబోతున్న విషయం తెలిసిందే. ప్రస్తుతం ఈ చిత్రం షూటింగ్ దశలో ఉంది. అన్నపూర్ణ స్టూడియోస్ లో స్పెషల్ సెట్ వేసి షూటింగ్ ను చేస్తున్నారు. ‘సోగ్గాడే చిన్నినాయనా’ మూవీలో ఒక క్యారెక్టర్ పేరు బంగార్రాజు..ఆ మూవీకి ఆ క్యారెక్టరే హైలెట్ కావడంతో ఎంతో మంచి పేరు వచ్చింది.
అందుకే ఈ సినిమాకు అదే పేరు ‘బంగార్రాజు’అని ఫిక్స్ చేశారు. ఈ మూవీలో నాగార్జున, నాగ చైతన్య కలసి నటించబోతున్నారు. నాగార్జున సరసన రమ్యకృష్ణ, నాగ చైతన్య సరసన కృతి శెట్టి ఈ సినిమాల్లో ఫీమేల్ లీడ్ రోల్స్ చేస్తున్నారు. దీంతో సినిమా పై భారి అంచనాలు పెట్టుకున్నారు మేకర్స్. ఇదిలా ఉంటే ఈ సినిమాకు సంబంధించి ఓ ఆసక్తికర విషయం బయటకు వచ్చింది. ఈ వార్త అభిమానుల్లో నూతన ఉత్సాహం నింపుతుంది.
ఈ సినిమాలో అక్కినేని వారసుడు అఖిల్ సైతం నటిస్తున్నారు అంటూ సోషల్ మీడియాలో ఓ వార్త హల్ చల్ చేస్తుంది. ఈ సినిమాలో నాగార్జున, నాగ చైతన్య కలిసి సినిమాలో అఖిల్ స్టెప్పులు వేయనున్నడట. అయితే అది కేవలం ఓ కేమియో పాత్ర మాత్రమేనని..స్టోరీని మలుపు తిప్పే కీలక సమయంలో అఖిల్ స్పెషల్ ఎంట్రీ ఉంటుందని టాలీవుడ్ లో టాక్ వినిపిస్తుంది. కళ్యాణ్ కృష్ణ డైరెక్ట్ చేస్తున్న ఈ సినిమాకి అనూప్ రూబెన్స్ సంగీత దర్శకుడుగా వ్యవహరిస్తున్నారు. మరి చూడాలి ముగ్గురు అక్కినేని వారసులు ఎలా తెర పై కనువిందు చేయనున్నారో..??
