భార‌త క్రికెట్ జ‌ట్టు కెప్టెన్ విరాట్ కోహ్లీ, అత‌డి భార్య అనుష్క‌ను దేశ‌వ్యాప్తంగా ఉన్న వీరి అభిమానులు ముద్దుగా విరుష్క‌గా పిలుచుకుంటారు. పెళ్లికి ముందు వీరు డేటింగ్లో ఉన్న‌ప్ప‌టి నుంచే వీరికి ఎలాంటి క్రేజ్ ఉండేదో ప్ర‌త్యేకంగా చెప్ప‌క్క‌ర్లేదు. ఈ జంట సోష‌ల్ మీడియాలో త‌మ గురించి ఏ చిన్న పోస్ట్ పెట్టినా, ఫోటో పెట్టినా దుమ్ము రేగిపోయేలా వైరల్ అవుతోంది. తాజాగా కోహ్లీ త‌న భార్య తల్లి కాబోతుంద‌ని.. ఆమె ప్ర‌స్తుతం ప్రెగ్నెంట్ అంటూ రెండు రోజుల క్రిత‌మే ఓ ఫొటో షేర్ చేశాడు.
తామిద్ద‌రం ముగ్గురుం కాబోతున్నామ‌ని కూడా కోహ్లీ చెప్పాడు. ఈ ఫొటో సోష‌ల్ మీడియాలో అలా పెట్టాడో లేదో రికార్డు స్థాయిలో లైకులు, కామెంట్ల వ‌ర్షం కురిసింది. అయితే ఇప్పుడు ఈ ఫొటో స‌రికొత్త రికార్డు క్రియేట్ చేసింది. కోహ్లీ ఇన్‌స్టా నుంచి వ‌చ్చిన ఈ ఫొటోకు ఏకంగా కోటి లైకులు వ‌చ్చాయి. కేవ‌లం ఒకే ఒక్క పోస్టుతో కోటి లైకులు సొంతం చేసుకున్న ఆసియా వ్య‌క్తిగా కోహ్లీ రికార్డుల‌కు ఎక్కాడు.
ఇక ప్ర‌స్తుతం కోహ్లీ ఐపీఎల్ ఆడేందుకు ఆబుదాబీ వెళ్లాడు. ఈ సారి ఎలాగైనా రాజ‌స్థాన్ రాయ‌ల్ ఛాలెంజ‌ర్స్‌కు ట్రోఫీ అందించాల‌ని కోహ్లీ ప‌ట్టుద‌ల‌తో ఉన్నాడు. సెప్టెంబ‌ర్ 19నుంచి ఐపీఎల్ ప్రారంభం కానుంది.
