మెగా కంపౌండ్ నుండి వచ్చిన సుప్రీం హీరో సాయి ధరమ్ తేజ్ నటించిన తాజా చిత్రం ప్రతిరోజూ పండగే అన్ని పనులు ముగించుకుని రిలీజ్‌కు రెడీ అయ్యింది. ఇప్పటికే ప్రమోషన్స్‌లో ఫుల్ ఊపు మీద ఉన్న ఈ సినిమా తాజాగా సెన్సార్ పనులు కూడా పూర్తి చేసుకుంది. మారుతి దర్శకత్వంలో తెరకెక్కిన ఈ ఫ్యామిలీ ఎంటర్‌టైనర్‌ మూవీలో భారీ తారాగణం నటిస్తోంది. కాగా తాజాగా ఈ సినిమాకు సెన్సార్ వారు U సర్టిఫికెట్ జారీ చేశారు.
ఈ సినిమాను చూసిన సెన్సార్ బోర్డు సభ్యులు ప్రతిరోజూ పండగే సినిమా చూసి పండగ చేసుకోవచ్చని అన్నారు. ఈ మధ్యకాలంలో ఫ్యామిలీ ఓరియెంటెడ్ సబ్జెక్టులు తగ్గిపోవడంతో ఫ్యామిలీతో కలిసి సినిమా చూసే అవకాశం కోల్పోతున్న ఆడియెన్స్, ఈ సినిమా ఖచ్చితంగా చూడొచ్చని చెప్పారు. మారుతి ఎంచుకున్న కథ ఆడియెన్స్‌కు బాగా కనెక్ట్ అవుతుందని వారు కితాబిచ్చారట. సినిమాలో ఎమోషన్, రొమాన్స్, కామెడీ పుష్కలంగా ఉన్నాయని చిత్ర యూనిట్ తెలిపింది.
మారుతి డైరెక్షన్‌లో వస్తున్న ఈ సినిమాలో రాశిఖన్నా హీరోయిన్‌గా నటిస్తోండగా, సత్యరాజ్, రావు రమేష్‌లతో పాటు భారీ తారాగణం నటిస్తోంది. ఈ సినిమాను డిసెంబర్ 20న ప్రపంచవ్యాప్తంగా రిలీజ్ అవుతోంది. మరి ఈ సినిమా ఎలాంటి విజయాన్ని నమోదు చేసుకుంటుందో చూడాలి.
