బెంగాల్ టైగర్ సినిమా తర్వాత మాస్ మహరాజ్ రవితేజ రాజా ది గ్రేట్ సినిమాతో రీసెంట్ గా హిట్ కొట్టాడు. ఇప్పుడు మళ్లీ టచ్ చేసి చూడు సినిమాతో ప్రేక్షకుల ముందుకు రాబోతున్నాడు. ఫిబ్రవరి 2న రిలీజ్ అవబోతున్న ఈ సినిమా సెన్సార్ కార్యక్రమాలను పూర్తి చేసుకుంది. నల్లమలపు శ్రీనివాస్, వళ్లభనేని వంశీ నిర్మిస్తున్న ఈ సినిమాలో రాశి ఖన్నా హీరోయిన్ గా నటించిన విషయం తెలిసిందే.
ఇక సెన్సార్ నుండి యు/ఏ సర్టిఫికెట్ అందుకున్న ఈ సినిమా అక్కడ నుండి పాజిటివ్ టాక్ కూడా తెచ్చుకుందట. మొదటి భాగం అంతా సరదాగా సాగే కథగా ఉంటూ ఇంటర్వల్ ట్విస్ట్ ఆ తర్వాత సెకండ్ హాఫ్ లో రవితేజ పోలీస్ గా వీర ప్రతాపం చూపిస్తాడట. మాస్ ప్రేక్షకులను ఈ సినిమా ఫుల్ మీల్స్ విందు అంటున్నారు.
రాజా ది గ్రేట్ హిట్ తో జోష్ లో ఉన్న మాస్ రాజా ఈ సినిమాను కూడా తన హిట్స్ ఖాతాలో వేసుకోవాలని చూస్తున్నాడు. విక్రం సిరికొండ డైరక్షన్ లో వస్తున్న ఈ సినిమా అనుకున్న రేంజ్ లో సక్సెస్ అవుతుందో లేదో చూడాలి.
http://www.telugulives.com/telugu/agnathavasi-movies-compare-with-bollywood-movie/
